CONSTRUCIÓNS INDUSTRIAIS
NO BORDO LITORAL
Info.
O proxecto Arquitectura Límite revisa e debate sobre o potencial do patrimonio arquitectónico industrial e as paisaxes industriais situados ao longo da costa da provincia da Coruña. Para tal fin, preséntase un inventario xeral de bens, do que se destaca unha escolma con exemplos presentados mediante fotografías e un pequeno análise de cada un, así como a realización de composicións en 3D que axuden a comprender mellor a súa estrutura e a súa adecuación á contorna.
O obxectivo de resaltar esta selección de inmobles é facer fincapé na súa singularidade; no seu valor histórico e arquitectónico e na importancia da súa conservación e difusión, contribuindo a evitar o seu deterioro ou desaparición. A toma de fotografías cun vehículo aéreo non tripulado pretende reforzar de xeito visual, cunha estética moi coidada, a idea principal do proxecto, é dicir, afondar no análise das arquitecturas industriais que se sitúan no bordo costeiro, como se axeitan ao territorio, onde o mar o condiciona todo, ao tempo que se ofrece unha perspectiva novedosa de difundir o patrimonio neste tipo de proxectos culturais.
DESEÑO E CONCEPTO VISUAL: NOVAGARDA
MUÍÑO DE VENTO DO CASUCO OU DE STA. CATALINA
[MUROS]
Restos da estrutura da torre de planta circular de cachotaría que conformaba este muíño de vento, datado na última década do século XIX. A súa situación no alto dun cantil favorecía o aproveitamento dos ventos. É probable que a cuberta fose xiratoria para orientala segundo as correntes e no interior contaba cunha moa, na que se trituraba graos de maínzo, centeo e trigo.
[MUROS]
Restos da estrutura da torre de planta circular de cachotaría que conformaba este muíño de vento, datado na última década do século XIX. A súa situación no alto dun cantil favorecía o aproveitamento dos ventos. É probable que a cuberta fose xiratoria para orientala segundo as correntes e no interior contaba cunha moa, na que se trituraba graos de maínzo, centeo e trigo.