CONSTRUCIÓNS INDUSTRIAIS
NO BORDO LITORAL
Info.
O proxecto Arquitectura Límite revisa e debate sobre o potencial do patrimonio arquitectónico industrial e as paisaxes industriais situados ao longo da costa da provincia da Coruña. Para tal fin, preséntase un inventario xeral de bens, do que se destaca unha escolma con exemplos presentados mediante fotografías e un pequeno análise de cada un, así como a realización de composicións en 3D que axuden a comprender mellor a súa estrutura e a súa adecuación á contorna.
O obxectivo de resaltar esta selección de inmobles é facer fincapé na súa singularidade; no seu valor histórico e arquitectónico e na importancia da súa conservación e difusión, contribuindo a evitar o seu deterioro ou desaparición. A toma de fotografías cun vehículo aéreo non tripulado pretende reforzar de xeito visual, cunha estética moi coidada, a idea principal do proxecto, é dicir, afondar no análise das arquitecturas industriais que se sitúan no bordo costeiro, como se axeitan ao territorio, onde o mar o condiciona todo, ao tempo que se ofrece unha perspectiva novedosa de difundir o patrimonio neste tipo de proxectos culturais.
DESEÑO E CONCEPTO VISUAL: NOVAGARDA
PEIRAO DE AREA BASTA
[RIBEIRA]
Aproveitando unha plataforma de rochas, levantouse este pequeno peirao, que hoxe presenta danos estruturais. É posible que no extremo que remata na auga se instalaran pequenas infraestruturas de produción acuícola, como se observa nas estruturas rectangulares que sobresaen da auga. Deste xeito, o dique protexe, pero tamén sirve de lugar de descarga e transporte.
[RIBEIRA]
Aproveitando unha plataforma de rochas, levantouse este pequeno peirao, que hoxe presenta danos estruturais. É posible que no extremo que remata na auga se instalaran pequenas infraestruturas de produción acuícola, como se observa nas estruturas rectangulares que sobresaen da auga. Deste xeito, o dique protexe, pero tamén sirve de lugar de descarga e transporte.