CONSTRUCIÓNS INDUSTRIAIS
NO BORDO LITORAL
Info.
O proxecto Arquitectura Límite revisa e debate sobre o potencial do patrimonio arquitectónico industrial e as paisaxes industriais situados ao longo da costa da provincia da Coruña. Para tal fin, preséntase un inventario xeral de bens, do que se destaca unha escolma con exemplos presentados mediante fotografías e un pequeno análise de cada un, así como a realización de composicións en 3D que axuden a comprender mellor a súa estrutura e a súa adecuación á contorna.
O obxectivo de resaltar esta selección de inmobles é facer fincapé na súa singularidade; no seu valor histórico e arquitectónico e na importancia da súa conservación e difusión, contribuindo a evitar o seu deterioro ou desaparición. A toma de fotografías cun vehículo aéreo non tripulado pretende reforzar de xeito visual, cunha estética moi coidada, a idea principal do proxecto, é dicir, afondar no análise das arquitecturas industriais que se sitúan no bordo costeiro, como se axeitan ao territorio, onde o mar o condiciona todo, ao tempo que se ofrece unha perspectiva novedosa de difundir o patrimonio neste tipo de proxectos culturais.
DESEÑO E CONCEPTO VISUAL: NOVAGARDA
MUÍÑOS DA RIBEIRA
[MALPICA]
Este conxunto de muíños de río aproveitan o fluxo dun regato que desemboca nunha fervenza que cae directamente ao mar para obter a súa enerxía. De planta rectangular, muros de cachotaría e cuberta a unha auga con tella reforzada polo peso de pedras para evitar o seu desprazamento, estes muíños adáptanse á pendente descendente do cantil, presentando entre eles pequenos carreiros que os comunican e canles, construidas tamén en pedra, para conducir a auga ata a pedra de moer.
[MALPICA]
Este conxunto de muíños de río aproveitan o fluxo dun regato que desemboca nunha fervenza que cae directamente ao mar para obter a súa enerxía. De planta rectangular, muros de cachotaría e cuberta a unha auga con tella reforzada polo peso de pedras para evitar o seu desprazamento, estes muíños adáptanse á pendente descendente do cantil, presentando entre eles pequenos carreiros que os comunican e canles, construidas tamén en pedra, para conducir a auga ata a pedra de moer.