CONSTRUCIÓNS INDUSTRIAIS
NO BORDO LITORAL



Info.


O proxecto Arquitectura Límite revisa e debate sobre o potencial do patrimonio arquitectónico industrial e as paisaxes industriais situados ao longo da costa da provincia da Coruña. Para tal fin, preséntase un inventario xeral de bens, do que se destaca unha escolma con exemplos presentados mediante fotografías e un pequeno análise de cada un, así como a realización de composicións en 3D que axuden a comprender mellor a súa estrutura e a súa adecuación á contorna.

O obxectivo de resaltar esta selección de inmobles é facer fincapé na súa singularidade; no seu valor histórico e arquitectónico e na importancia da súa conservación e difusión, contribuindo a evitar o seu deterioro ou desaparición. A toma de fotografías cun vehículo aéreo non tripulado pretende reforzar de xeito visual, cunha estética moi coidada, a idea principal do proxecto, é dicir, afondar no análise das arquitecturas industriais que se sitúan no bordo costeiro, como se axeitan ao territorio, onde o mar o condiciona todo, ao tempo que se ofrece unha perspectiva novedosa de difundir o patrimonio neste tipo de proxectos culturais.  


Fotografías ︎︎︎ David García-Louzao




































MUÍÑOS DO MONTE PINDO
[CARNOTA]

No Monte Pindo hai varias agrupacións de muíños de río e incluso algún individual, sumando medio cento en total, que aproveitan as correntes de distintos regatos que descenden pola ladeira. Moitos deles están en estado ruinoso. Responden á tipoloxía de planta rectangular, con paramentos de cachotaría e as cubertas, a unha ou dúas augas, alternan a tella coas laxes de granito. Este mismo material é o empregado para a construción das canles que conducen a auga ata o interior para poñer en funcionamiento a moa.